Türkmenistanyň DIM-inde «Etihad Rail» kompaniýasynyň halkara gatnaşyklar boýunça ýerine ýetiriji direktory bilen duşuşyk geçirildi

2025-nji ýylyň 30-njy aprelinde Türkmenistanyň Daşary işler ministri Raşid Meredow bilen Birleşen Arap Emirlikleriniň «Etihad Rail» kompaniýasynyň halkara gatnaşyklar boýunça ýerine ýetiriji direktory Tarik Mohammed Al Falahiniň arasynda duşuşyk geçirildi.

Duşuşygyň dowamynda taraplar iki ýurduň arasyndaky ulag we aragatnaşyk pudagyndaky hyzmatdaşlygy ara alyp maslahatlaşdylar. Ikitaraplaýyn we köptaraplaýyn ulag-aragatnaşyk baglanyşyklaryny ösdürmek babatynda port infrastrukturasyny öz içine almak bilen demir ýol, deňiz we howa ulaglary pudagynda hyzmatdaşlygy ösdürmegiň mümkinçilikleri ara alnyp maslahatlaşyldy.

Mundan başga-da, taraplar söwda-ykdysady ugurda hyzmatdaşlygy işjeňleşdirmek babatynda özara ygrarlylyklaryny bellediler.