Türkmenistana gelmek üçin pasportlarynyň COVID-19 bilen baglylykda uzaldylan hereket ediş möhletiniň diňe 2024-nji ýylyň 31-nji dekabryna çenli uzaldylýandygy barada gaýtadan ýatladýarys!

Hormatly Raýatlar!

Häzirki wagtda Internet torunda (sosial mediada) käbir ýurtlaryň çäginde wagtlaýyn ýa-da hemişelik ýaşaýan Türkmenistanyň raýatlarynyň biometriki pasportlarynyň möhletleriniň 2025-nji ýyla çenli uzaltmalaryň dowam edýändigi barada galp we nädogry maglumatlaryň ýaýradylmagyna ünsüňizi çekýäris.

Türkmenistanyň Prezidentiniň 2022-nji ýylyň 9-njy maýyndaky «Türkmensitanyň raýatlarynyň Türkmenistandan gitmek we Türkmenistana gelmek üçin pasportynyň hereket ediş möhletiniň uzaldylandygy barada bellikleri etmegiň Tertibi» hakyndaky Buýrugy esasynda, daşary ýurt döwletleride wagtlaýyn bolýan ýa-da hemişelik ýaşaýan Türkmensitanyň raýatlarynyň Türkmenistandan gitmek we Türkmenistana gelmek üçin pasportlarynyň COVID-19 bilen baglylykda uzaldylan hereket ediş möhletiniň diňe 2024-nji ýylyň 31-nji dekabryna çenli uzaldylýandygy barada gaýtadan ýatladýarys!

Şeýle hem, ýokarda agzalanlardan ugur alyp, daşary ýurt döwletlerinde wagtlaýyn bolýan ýa-da hemişelik ýaşaýan Türkmenistanyň raýatlarynyň Türkmenistandan gitmek we Türkmenistana gelmek üçin pasportynyň hereket ediş möhleti 2024-nji ýylyň 31-nji dekabrynda tamamlanýan ýagdaýynda, raýatlara biometrik pasportlaryny täzelemekleriniň zerurdygyny mälim edýäris.

Şol bir babatda, Türkmenistanyň Daşary işler ministrliginiň, Içeri işler ministrliginiň we Döwlet migrasiýa gullugynyň başlygynyň 2020-nji ýylyň 5-nji iýunynda «Türkmenistana dolanyp barmak üçin şahadatnamany resmileşdirmegiň tertibi» hakynda çykaran bilelikdäki buýrugyna laýyklykda, daşary ýurt döwletlerinde wagtlaýyn bolýan ýa-da hemişelik ýaşaýan Türkmenistanyň raýatlarynyň biometrik pasportlary ýitirilen, ogurlanan möhleti geçen ýa-da ulanyşa ýaramly bolamdyk halatynda (çip döwülen), şeýle-de daşary ýurtlarda Türkmenistanyň raýatlaryndan dünýä inen çagalara diňe öz döwletine dolanyp barmak üçin şahadatnamanyň» resmileşdirilýändigini habar berýäris.

Türkmensitanyň Täjigistan Respublikasyndaky Ilçihanasy